星玄｜吳謹言激罕性感Look示人 雙峰若隱若現超誘人
2024年07月12日 00:01
東網電視
更多新聞短片
今日係7月12日農曆六月初七，今日幸運星係獅子座，談情說愛的吉日，單身者悉心打扮可增魅力。獅子女吳謹言嘅新劇《墨雨雲間》真係超有熱度，吳謹言都話為咗貼合角色，有特登去學古琴，而大結局之際都有兌現承諾，為Fans彈奏一曲，工作咁努力係好事，但今日咁適合談情説愛，記得打扮得靚啲啦！
吳謹言被邀請擔任時尚品牌代言人，佢激罕以性感形象示人，着住黑色性感長裙，V領開至胸口，令人浮想聯翩。而髮型都有新變化，佢喺社交平台上載幾張橙紅色頭髮自拍同工作照，一眼望過去非常之sharp，睇嚟吳謹言呢排都十分大膽嘗試換新Look！
是日最旺嘅生肖係牛，願意提攜你的貴人出現，要懂得感恩。屬牛嘅丁子朗六月尾，過完27歲生日，丁丁都有約朋友一齊慶祝，而佢都喺社交平台話，今年生日收到兩份禮物，一份係額頭生咗粒瘡代表鴻運當頭，而因為電話死咗機救唔番，所以送舊迎新買咗部新電話，丁丁心態咁好，出去見吓朋友，話唔埋就會遇到貴人呀！