D奶林岱縈熱吻「新對象」照片曝光　純白比堅尼騷深長事業線

台灣「樂天女孩」林岱縈（羚小鹿），有着清純美貌及D Cup飽滿上圍嘅佢，不時喺社交網派福利益粉絲，而最近出寫真嘅佢更宣布將於本月21日來港參加書展，並擔任1日店長一職之餘，更搶先晒出多張着比堅尼影嘅沙龍靚相，其中佢同「新對象」Kiss嘅唯美畫面，亦瞬間掀起熱議。

只見身穿純白一件頭嘅林岱縈，將一頭秀髮利落紮起，大騷香肩鎖骨及豐滿上圍外，喺草地上攬狗錫錫嘅清新畫面，亦相當搶Fo，然而林岱縈亦分享道：「代言新形象照，在香港拍攝那天巧遇的緣分，留了狗狗的IG結果不知道記到哪去了，能不能在茫茫網海中再次遇見呢？」引嚟唔少網友留言道：「太辣了一看就是一小時！」、「羨慕狗狗。」、「原來，好狗命是真的！」、「從來沒有那麼想當一隻狗過。」而狗狗主人發現貼文後，亦即刻留言道：「美女姐姐Milu在這裏！」對此，林岱縈亦回覆道：「Milu~~momo~~yeah成功相遇！」