方力申轟泳總成功迫令考慮轉賽制　High爆露台高歌

有「飛魚王子」之稱嘅藝人方力申，最近因屬下泳會內一名9歲男泳手因泳會級別不夠高而未能參加錦標賽，連環炮轟香港游泳總會不公平，依家喺輿論及立法會議員幫助下，已成功令總會長初步同意設立渠道，讓運動員以個人身份參賽。方力申指雖然方案真係好初步，但佢仍視之為「行前咗一步」，佢繼續希望制度以運動員利益為先，擺脫山頭主義。

雖然「革命尚未成功」，不過都引起大眾對游泳總會嘅制度問題，眼見正義逐步獲得伸張，佢依家心情都靚過人，喺元朗獨立屋豪宅個露台度高歌，該單位係佢於2017年以4,450萬元買入嘅「董事屋」。見佢面向大馬路唱《童話》，成個人笑瞇瞇咁，雖然佢唔算唱得大聲，成個樣好有希望咁投入演唱，但大家都對佢豪宅開揚靚景好羨慕，睇得出環境憩靜又有私隱性，確係住得舒適。