白鹿張予曦撞衫撞到應一應　兩美相爭鬥到上熱搜

內地花旦白鹿喺一眾女星之中，代言嘅品牌數量令人羨慕，不過近日佢為一個飲品品牌所影嘅廣告相竟然「出事」，因為有網友發現佢身上閃片美人魚晚裝，竟然同近期靠《乘風2024》上位嘅女星張予曦撞衫，同一條裙先後喺兩位美女身上出然，自然就引發雙方粉絲比較邊個着得好睇。二人身上嘅呢條美人魚裙貼身剪裁，兩位都係當紅女神，身材同樣索爆，各有各美態，雖然話審美人人皆不同，因此各有支持者，更鬥到令「#白鹿張予曦撞衫了」話題直衝熱搜。

事件引伸出疑似抄襲疑雲，有白鹿粉絲指呢條裙係佢哋偶像着先，之後亦有多位網紅着過，就連另一藝人周揚青都着過，狂踩張予曦已經係着第N手裙；同時張予曦粉絲就對白鹿進行人身攻擊，稱「張予曦不各男人比」，暗諷白鹿身材曲線欠奉，各不相讓，引發罵戰。