拍打戲拍上癮　朱晨麗視楊紫瓊為學習對象

藝人朱晨麗(朱朱)近日於無綫熱播劇《反黑英雄》演執法人員，還有連場動作戲，獲網民讚賞原來睇得又打得，朱朱接受東網訪問時，直言要感謝網民、粉絲及廣大觀眾支持，由於繼《輕．功》後已有一年半未有新作，故播出前也有點緊張，幸出街後獲大眾喜愛，收視成績亦不俗，令其放下心頭大石。

雖然以往也演過打女角色，但朱朱不諱言今次角色更立體，打得更甘：「次次都同啲好大隻同打得嘅人演對手，雖然套劇由夏天拍到冬天，但拍打戲時好熱，我仲要全部親身上陣冇留力，好在見到出嚟嘅效果好震撼，所以演到呢個角色好開心，好多謝監製。」問到日後可會向打女路線進發？朱朱表示已打上癮，更視奧斯卡影后楊紫瓊為目標，她說：「楊紫瓊都係跳舞出身，拍打戲又好有名，希望可以朝住呢個方向去行，依家鍾意咗武打。」