星玄｜「全球百大美女」周子瑜C位回歸　粉絲大讚靚到似美人魚

今日係7月14日農曆六月初九，今日幸運星係雙子座，事業運好到不得了，宜抓緊時機追尋夢想。雙子女周子瑜，係南韓女團TWICE嘅人氣成員之一，曾經多次入選「全球百大美女」，TWICE最近推出第五張日語正規專輯《DIVE》正式回歸，從官方概念照可見，子瑜着住淺綠色吊帶紗裙，頭戴皇冠裝飾，睇落好似人魚公主，仲出現喺C位，令唔少Fans都覺得好驚喜，子瑜事業運咁好，記得要把握時機，繼續努力追尋夢想！

肖龍嘅朋友精神狀態好，有一份積極向上的鬥心。肖龍嘅南韓男團BIGBANG隊長G-Dragon（權志龍）早前宣布，會喺今年8月正式回歸，更已製作多首新歌，唔少Fans都表示期待。日前佢被任命擔任南韓科學技術院（KAIST）嘅機械工學系客席教授任期2年，G-Dragon回歸樂壇前都仲踩過界，果然有一份積極向上的鬥心！