吳雨霏一家遊北海道　睇紫色薰衣草田喪打卡

藝人吳雨霏（Kary）自2015年下嫁「網球王子」洪立熙（Brian）後淡出幕前，並先後誕下1子2女，雖然細女Noa出世時發現患有先天性心臟問題，幸病情已穩定過來，令Kary放下心頭大石。近日Kary趁暑假舉家到北海道旅遊，更連日來於社交網分享靚相。

旅程間既走到二世古釣魚，一家人齊齊出動，最後更成功有斬獲，之後又走到富良野觀賞薰衣草，眼見面前一片紫色薰衣草田，Kary也忍不住瘋狂影相，更留言：「細個去旅行時，成日唔明點解阿媽咁鍾意睇風景呀、睇花呀，唔明啲花有乜咁特別、悶到抽筋，依家老咗終於識欣賞，山長水遠熱到暈都要影番幅遊客相，呢個花海，真係好好好好美。」