陳山聰舉家泰國遊　日日游水消暑歎到暈

視帝陳山聰擔演的無綫劇集《反黑英雄》現時熱播中，此劇收視不俗，贏盡口碑。而山聰亦剛剛拍畢另一套劇《廉政行動2024》，終於可以休息一下。日前，趁着4歲多的兒子Jaco開始放暑假，山聰即帶埋家人一起到泰國曼谷旅行嘆番吓，今次他還帶埋媽媽一同前往，盡享家庭樂。向來精靈活潑的Jaco是蜘蛛俠fans，拍照時不時大擺甫士，可愛度爆燈，自小已經常跟山聰游水的他，去到泰國當然日日暢泳，期間更於泳池邊歎美食，開心到暈。

山聰接受東網獨家訪問時表示因為好友胡諾言一家都去了泰國旅行，向來是「跑友」的他們都有相約跑步，更坦言:「梗係開心，大人細路都好開心，今次family trip，我尋日朝頭早同胡仔(胡諾言)跑完步，跟住9點就同Jaco游水，游到下晝2點。」