蔡頌思代表香港出戰美人魚賽　挑戰國家隊

「40億千金」蔡頌思（Jocelyn）身為「香港水下表演藝術協會」創會主席，最近她代表香港參加在上海舉行的「2024中國美人魚公開賽暨國際精英賽」，雖然未能奪獎，但Jocelyn已覺獲益良多。她透露在比賽報名截止前一刻，才被教練叫她參賽：「本來我都猶豫不決，覺得自己太耐冇落水，擔心應付唔到，後來諗人一世物一世乜都要試吓，而且我從來冇參加過咁大型嘅比賽，亦從來冇代表過香港出賽。」她花了個半月時間加緊練習，但奈何對手太強，她自嘲跟他們完全不是同一個水平：「我嘅對手係國家隊隊員，所以好大壓力，但算係挑戰咗自己，覺得自己好叻，個比賽池係8米乘30米乘20米，好深好大。」Jocelyn指內地的美人魚運動雖然起步較香港遲，但因內地配套好，有足夠的練習場地，故發展及普通性比香港快及高，她參加完比賽後深有啟發，她說：「我構思搞一個水底騷，作為一個能夠代表香港嘅節目，想做到好似澳門嘅水舞間咁有特色，借呢個水底騷去推動香港美人魚運動。」