陳意涵獨立屋遭闖入！驚慄畫面曝光

台灣女星陳意涵2018年同導演許富翔結婚，婚後育有5歲囝囝「丹丹」及3歲囡囡「彤彤」嘅佢，不時透過社交網同網友分享生活點滴，有時更會喺獨立屋度拍片，分享育兒點滴。而日前，陳意涵就晒出一段屋企被猴子入侵嘅影片，只見被擋喺陽台前嘅猴子雙手擺喺落地玻璃前不斷觀察室內裝潢，荒謬畫面令陳意涵忍唔住問道：「請問你找誰？」眼見入屋不成嘅猴子，竟然開始參觀起陽台，並直接企起身用手扶住金屬手推出周圍八卦，搞笑反應亦令陳意涵忍唔住笑道：「這樣一直觀察是要買我的房子嗎？」