湯怡Hot爆急下水晒事業線　周冬雨一件頭玩時尚Feel

最近天氣熱辣熱辣辣，真係一行出街就已經全身汗，唔少藝人都頂唔順要嚟個下水禮，就好似藝人湯怡咁，最近佢就同囡囡「麥QQ」去咗沙灘玩，淺露事業線嘅佢仲keep到超索女人味，令人心動。見埋佢同阿女互動玩吹波波，就知佢幾enjoy親子樂，網友仲問到底啲相係咪老公麥秋成幫佢哋影嘅添。

估唔到遠在內地嘅「三金影后」周冬雨亦加入泳衣戰，見佢着上密實一件頭泳裝，雖然性感欠奉，不過佢就時尚感十足，啲相似足影雜誌咁，仲要大玩追空俯拍泳姿，直頭係拍大片嘅氣勢！