吳謹言翻紅即日日有「黑料」　Taste差都係錯！

內地女星吳謹言最近憑新劇《墨雨雲間》翻紅，再次升番上一線頂流之位，佢更帶挈埋同劇嘅男主角王星越變當紅小生，威力驚人。不過佢就似乎一紅就惹是非，網上忽然一堆佢拍攝《墨雨雲間》時嘅路透片引網友熱論，因為網友將佢當時多套私服片放上網，即使佢每日都悉心打扮，但唔少網民都唔太認同佢嘅style，仲有人睇完完嗌驚嚇，留言話「一言難盡」、「為何把難看的衣服都買到。」網民話唔識欣賞吳謹言啲打扮，但同劇女演員李夢就力撐，大讚佢係「潮妹兒」：「謹言是個潮妹兒，每天都有自己的穿搭！」亦有網友指可能係因為佢要保護古裝髮型而出現古裝頭襯時裝，先令到大家覺得佢打扮奇怪，而唔係佢taste唔符合大眾審美。