許靖韻相識逾10年　感謝洪卓立獻第一次

歌手許靖韻（Angela）日前於肇慶舉行音樂會，請來同門師兄洪卓立（Ken）任嘉賓，原來此乃Ken的「第一次」，他說：「就算自己公司藝人，都係第一次。我哋識咗十幾年，好少喺台上合作唱歌。」Angela坦言當初入公司便認識Ken，雙方不時於活動上見面，惟「互寸」的時候好比合作更多：「嗰陣時我啱啱入公司，又會成日喺活動撞到，我會成日Ken講嘢，講到佢覺得我好煩，成日叫我收聲，我哋嘅友誼就係咁建立起嚟。」及後感性的Ken在獨唱《回到最愛的那天》時，被歌曲感動落淚。

音樂會後，二人分別於社交平台出Po大談音樂會感受，Angela表示感謝Ken為他奉獻「第一次」，隨即引來Ken留言：「你能否write清楚少少，what是first time？」十分搞笑。