東方日報C1:港姐兵分5路拍外景!麥美恩何沛珈隨團傍實過料畀師妹
2024年07月16日 03:01
東網電視
更多新聞短片
![](/hk/bkn/cnt/entertainment/20240716/photo/bkn-20240716030156284-0716_00862_001_01p.jpg?20240715235105)
無綫年度選美盛事《2024香港小姐競選》將於9月15日舉行,15位候選佳麗昨日首見傳媒,包括曾選華姐的鍾翠詩、「城大李嘉欣」倪樂琳、「Hot版鍾麗淇」梁嘉莹、莊曉婷、謝淑怡、「艷麗版蔡潔」程姜月、楊梓瑤、王汛文、吳芷靖、俞可程、秦冀雯、李曼思、陳甜甜、陳紫佟及盧凱怡,其中前14位之前已現身髮型屋變髮,唯獨盧凱怡當日未有出現。
大會即場公布在「誰是入圍者」觀眾投票環節中5名得票最高佳麗,分別是倪樂琳、梁嘉莹、李曼思、陳甜甜及吳芷靖。現場又宣布今屆港姐的5個外景拍攝地,包括內蒙古、塞班、新加坡、菲律賓碧瑤及香港,每個地點將由不同女藝人帶領3位佳麗,而本報收到獨家消息,麥美恩、何沛珈及陳懿德會隨團出發。
倪樂琳冇有怕繼續甫相
對於成為5位得票最高佳麗之一,倪樂琳表示榮幸及開心,問到結果是否預計之內?她說:「我唔敢諗,因為唔知大家係咪真係會落手落腳投票畀我。(『城大李嘉欣』個朵帶來票數?)我自問冇佢咁靚,唔敢當,個稱號有好有壞,好嘅係大家容易記得我,唔好嘅係好大壓力。」提到曾與有「港版子瑜」之稱的藝人區明妙組本地女團Morii Girls及穿水着拍寫真,她澄清:「只係同一班鍾意K-Pop嘅朋友一齊Cover啲歌,唔算係出道或者組女團,至於寫真係陽光積極嘅相,唔係色情裸露嘅相。(依家唔會再Po泳照?)唔會唔Po,我哋係好大方咁展示身材,着泳衣大家都會喺決賽見到,唔係唔得體嘅嘢。」
至於梁嘉莹感謝投票給她的網民,問她覺得自己有何優勢時,她謂:「上網好多朋友都話畀我嘅自信同積極嘅生活態度感染。」李曼思同樣多謝網民支持,問到入圍後在社交平台發文會否更小心?她揚言:「做自己,欣賞你嘅人自然會欣賞,我冇因為參選而將社交平台大清洗,都係一切照舊。」
而麥美恩繼去年後,今年亦會與佳麗齊齊出埠拍攝,她昨日受訪時說:「舊年都有去越南同啲女仔相處咗3日,所以拍攝方面有經驗嘅。」問到身為師姐,會否畀貼士師妹?她說:「我係師姐,又係港姐司儀,以多重身份去陪啲女仔拍攝,希望可以用最短嘅時間分享啲個人經驗畀佢哋啦!咁我嘅角色係輕鬆嘅,因為我唔使比賽,我都寄望啲女仔可以喺過程中認識自己,亦好好享受拍攝過程,因為入咗行之後都會好記得呢一個Trip。」
更多新聞,請瀏覽東方日報網頁: