范瑋琪衰多口冇朋友　舊閨蜜梁靜茹有話兒

馬來西亞歌手梁靜茹，2019年傳出同前夫趙元同離婚，未料喺梁靜茹發出聲明前，范瑋琪就透過經理人表示：「隱隱約約有聽說。」意外爆料引嚟網友怒斥。事後，更有眼尖網友發現，梁靜茹極低調咁將自己同范瑋琪嘅所有合影刪除，甚至連社交網都取消追蹤對方，令唔少網友感慨姊妹情斷外，連早前前往內地復出開騷嘅范瑋琪，更因1句「我感覺好像…回到家的感覺。」引嚟唔少內地網友嘲「綠茶也能復出」。

而日前喺北京開完騷嘅梁靜茹，事後亦透過社交網Po文分享：「音樂這段旅程給我的悸動如夢似幻，途中我經歷了這麼多的人生起伏。快樂的、難過的、擁有的、失去的都是一段路，謝謝那麼多的朋友，在音樂的路上相伴又珍惜。」然而，巧妙嘅時間點，亦令唔少網友聯想到范瑋琪同梁靜茹昔日嘅閨蜜情，紛紛留言問道：「范瑋琪前陣子剛來，你們不同框嗎？」、「看來不會跟范瑋琪合體了。」