鄧麗欣堅信台灣新歡唔係感情騙徒:有足夠時間了解
2024年07月17日 09:26
東網電視
更多新聞短片
![](/hk/bkn/cnt/entertainment/20240717/photo/bkn-20240717092642608-0717_00862_001_01p.jpg?20240717112348)
藝人鄧麗欣(Stephy)早前被發現現身將軍澳大型商場,孖住一位身高6呎、似足韓國天王Rain的大隻男子一齊行街街,她事後於社交網大方認愛並感謝大家的祝福。戀情曝光後的她昨晚(16日)首次現身,於中環出席電影《我談的那場戀愛》宣傳活動。戲中演反派的她大呼過癮:「今次特別演出,冇女主角包袱,好好玩!」戲中她演活一位風情萬種的首腦,為教導手下騙取女主角歡心再乘機騙財,親身示範各種誘惑招數。她笑指拍攝該戲份期間,演手下的男演員也被她迷得全日面紅耳赤。
記者隨即笑指蜜運中的她同樣紅粉緋緋一臉幸福,追問她何時開始拍拖?她避談説:「時間就唔講喇,已經有一段時間,已經有足夠時間大家了解咗。」她表示男友是圈外人,想低調一點,不想給對方帶來影響,相當保護戀情。問到她早前到台灣拍劇,身為台灣人的男友是否經常探班?她透露男友其實在香港生活,是經過朋友介紹下認識,問到男友對於被形容是「6尺翻版Rain」有何反應?她笑指男友沒甚麼反應:「我都好多謝大家高度讚賞佢,形容佢係阿Rain。」
問她覺得男朋友為人?她即笑指自己是聰明人,不會像戲中女主角一樣誤墮情網,她笑謂:「我唔會喺網上識朋友,都希望會面對面地溝通,我係一個直接嘅人,會用感覺、直覺去了解一個人,當然時間都好緊要,我都相信自己有能力去辨識對方,佢唔係騙徒,我都唔係騙徒,哈哈!」問到男友吸引她之處?她甜絲絲説:「大家都好好相處,最重要係好相處,有時唔係講有乜嘢好、唔好,夾唔夾都好緊要。」