關嘉敏逆天長腿任睇　晒三點式惟獨要遮Pat pat

藝人關嘉敏（Carman）在播畢扮嘢真人Show《福祿壽訓練學院》中，無論扮王菲定譚輝智同樣入型入格，令人驚喜，而日近她又還原索女本色，在社交網上載日前在澳門拍攝節目內，其中兩套三點式泳裝照，大晒強勁事業線及逆天長腿，在炎炎夏日向粉絲送上冰淇淋。Carman接受訪問時表示：「嗰排喺澳門拍節目，以為會好曬，點知大部份時間都係陰天，所以我帶去啲防曬都冇乜用，啲人仲話畀我以前仲白咗添。（做乜用裇衫遮住蜜桃臀？）因為我帶過去嗰條褲乾唔切，同埋我覺得Pat Pat仲有要改善嘅地方，所以咪用件衫遮一遮囉。」

她又謂返港後拍攝新劇《香港探秘地圖》就日日陽光猛烈，要每日飲兩公升水降溫，皮膚也曬黑不少，問可擔心在高溫下拍劇會中暑？她笑謂：「過埋今年生日就30歲，唉，我諗都要出現『中女三寶』，包括遮、風扇同暖水壺至得啦。」