鄭嘉穎四年抱三仲唔夠　標尾會想同陳凱琳生番個女

前港姐冠軍陳凱琳（Grace）2018年與大22年的視帝老公鄭嘉穎結婚，翌年誕下大仔，之後再生多2個囝囝，四年抱三認真犀利。雖然Grace去年誕下細仔後，就宣布封肚拒絕追女，可是Grace昨日（16日）在社交網透露，鄭嘉穎竟然向她追問：「真係唔生番個女？」

Grace於社交網上載短片，見她與一男一女小朋友玩耍，母愛大爆發，Grace竟留言指鄭嘉穎向她追生女：「我老公睇完呢條片問我：真係唔生番個女？」陳凱琳續稱︰「我相信呢個世界有好多唔同類型嘅父母，不過大家有個共通點：都好着緊小朋友......我哋要愛惜同守護我哋身邊嘅小寶寶，陪住佢哋行每一步。今晚臨瞓前記得同小朋友講：你知道唔知道有人着緊你？」

其實在4月時，Grace出席公開活動，就講過3個仔已非常夠，沒有計劃追個女。有網民留言笑問︰「你有冇答佢，咁如果第四個都係仔？」未幾，鄭嘉穎本尊留言「都係講吓啫！」