鍾柔美Windy DSE放榜嗌加油　任暟晴IB放榜入中大法律系

中學文憑試（DSE）今日（17日）放榜，多位藝人均為今屆考生，當中最受關注嘅包括歌手鍾柔美（Yumi）及詹天文（Windy），雖然二人暫時仍未公布成續或去向，但就不約而同出post叫大家加油，Windy亦貼出story影住同同學仔去飲咖啡嘅紙杯相，加上多個繽紛emoji，相信佢成績理想。

2人接受東網訪問，詹天文表示拿到成績單一刻，心情開心到喊：「因為呢幾個月嘅壓力，有種釋放嘅感覺，有少少忐忑，但更多係興奮和激動，因為成績畀我預期好少少，覺得好開心好感恩，對成績好滿意，當然可以更加好。」她希望將來大學繼續讀音樂深造，主力音樂科，或者Music Business有關的科目：「大家都覺得我一定會去讀Berklee College of Music，雖然嗰間學校有畀獎學金，但自己未係好肯定，見到成績之後覺得可以有更多選擇，我揀好之後會再同大家講，好多謝大家關心。」

而鍾柔美就提到放榜心情，表示過去這段時間感到壓力及緊張，她有同自己講無論成績如何，都要抱着平常心面對：「收到結果，可接受嘅，依家忙住去揀大學及自己想讀嘅科目，想同大家講，唔使擔心，自己都開心嘅，可以拎到成績，因為等咗好耐。」她希望順順利利，繼續做好自己，能夠做到自己的100分已經很好。

至於《聲夢傳奇2》冠軍任暟晴，佢雖然唔係DSE考生，不過佢早前都剛經歷IB放榜，同樣未有公布成績。她曾表示，自己在報考香港大學、香港中文大學及香港科技大學時，均獲得了條件式錄取通知，並在成績放榜當天透露，她的分數不僅達到了這三所學校的入學要求，而且「想揀邊間就揀邊間！」

不過佢就將社交網簡介加入「cuhk llb ‘28」，即代表佢將會加入中大法律系，2028年畢業。據資料顯示，中大的法律系係「神科」之一，成績最低門檻是35分，但真正要獲到學位資格就要至少40分或以上。任凱晴就讀聖士提反書院，今年誕生1名IB狀元、3位44分榜眼及6名43分IB探花，學校成績超過5成考獲40分以上。

而張崇德就晒出與劉美娟所生嘅仔仔張日希DSE成績表一角，見其中一科成績係5*，張崇德又貼上父子對話：「這幾個月來我一直問我個仔，『快要考DSE了，你怎麼不溫書、整天都在看電影的呢？』他說：『識晒，不用溫的了！』我說：『你再讀一下不是會好一點嗎？』他說：『再讀就會唔識！』這樣的對話重複了很多次，我一直也有點懷疑，怎可能不用溫書去準備考DSE的呢？今天放榜了，原來他是對的，他真的不用溫書的，Everybody is different！#我好開心」