方力申唔講祝福鄧麗欣新戀情:回唔回應都畀人鬧!
2024年07月17日 17:08
東網電視
更多新聞短片
![](/hk/bkn/cnt/entertainment/20240717/photo/bkn-20240717170856587-0717_00862_001_01p.jpg?20240717194504)
藝人方力申(小方)早前公開批評泳總制度不公後,泳總發聲明准許其泳會男童參加游泳錦標賽,今日(17號)小方出席《2024巴黎奧運 盡在TVB》記者會上表示「革新尚未成功」:「有好多人恭喜我,但其實唔係,一陣我都要趕去同泳總開會,仲有好幫我嘅議員一齊,因為泳總只畀個男童參加一次比賽,之後再要申請,小朋友嘅發展係長遠計,要透過訓練同比賽去進步,唔係一次比賽就認定佢嘅成績,同埋唔係以泳會而係個人名義參賽就好奇怪,好似抹殺咗佢教練同泳會嘅努力 ,我準備咗7,8頁建議書畀泳總,想表達正向嘅意見。」
問可覺得泳總欠誠意?他就覺得今次事件回嚮很大,但並非因為他發聲,自嘲:「我都畀人鬧唔少啦,不過呢啲係唔識運動嘅人都會明白發生咩事,泳總制度係要優化,同埋市民尊重咗運動員好多。」
至於小方舊愛鄧麗欣認有台灣新男友「翻版Rain」,問他可送上祝福,他就話:「呢個係好問題,其實做藝人好難,回應畀人鬧,唔回應又畀人鬧,所以我今次想試吓唔回應,睇吓啲人鬧我乜再回應,啲人唔鍾意你乜都有得鬧。」又談到他有幸和萬人迷湯告魯斯互動及合照,令人羡慕,問他可會自薦合作拍電影?他謂:「我都幾搲爛面啦喎。」