葉文輝否認與陳小芝離職有關：唔存在我搶咗佢個位

藝人馬浚偉今年1月擔任電台首席營運總監，為打造電台成為全媒體，力邀不少好友加盟，其中包括前DJ陳小芝擔任「數碼媒體及業務拓展總經理」，又提升資深DJ啤梨（葉文輝）成為「創作總監及節目主持」。

不過上班半年，陳小芝突然以「身體健康」為由請辭，令電台內議論紛紛，更傳出疑有人眼紅啤梨最近躍升為「台長」。火速成為馬浚偉身邊紅人，不少網民都指啤梨是「打工人天花板」，6個月內連升幾級又多了一個大職銜，認真厲害。

啤梨受訪時談到有傳陳小芝極速離職是跟他有關，他即表示：「咁搞笑？首先小芝係總經理，佢嘅職銜係大過台長嘅，所以唔存在我搶咗佢個位，況且我嗰個職銜係新加，係網絡電視『MBO TV』嘅台長，同資訊台嘅台長兼DJ程凱欣係唔同部門嘅，不過我都多謝馬浚偉先生提攜，畀機會向電台貢獻更多。」至於和陳小芝的交情，他又謂跟她是相識多年的好友，一齊合作無間，關係亦師亦友：「佢好似我屋企人咁親近，大家識咗20年，所以聽到呢個傳聞得啖笑。」