袁偉豪多1份責任 嘆老竇唔易做
2024年07月19日 00:01
東網電視
更多新聞短片
![](/hk/bkn/cnt/entertainment/20240719/photo/bkn-20240719000120626-0719_00862_001_01p.jpg?20240719083906)
無綫藝人袁偉豪(Ben)近日主演的無綫劇集《反黑英雄》自播出以來就收視居高不下,中港兩地同樣大受歡迎,劇中首次挑戰飾演大奸角的Ben演出更是相當搶鏡,獲得一眾網友盛讚。入行17年的他演戲經驗豐富,長得一臉正氣凜然,多獲安排演繹好人角色,雖然亦曾演過奸角,但可惜未能在觀眾心中留下深刻印象,今次可以演得這麼出色,他謙稱全賴劇本寫得好,Ben表示平時亦會觀看自己所演的劇集,藉此檢討不足,再透過日常睇戲累積經驗,促使自己進步。
剛成為人父不久的他坦言「錢唔夠洗」,不過從未覺得家中多了一個人要養是種壓力,相反剛出生的兒子更成為了他努力工作的動力,每天回家見到兒子天使般的面容,就覺得一切的辛苦都值得。不過做了爸爸後Ben自覺多了一份責任,表示開工會衡量工作的安全性:「我都會盡量親身上陣,但如果太危險嘅動作,我會唔做。」感嘆終於體會到為人父母的艱難。
提到無綫近日相繼有資深藝人離巢,袁偉豪表示舊人離開,新人加入是正常現象,加上現在市道不興旺,想轉換環境另覓發展實屬正常:「當市道好興旺嘅時候大家都唔拘,簽多幾年,多少人工都冇所謂,但環境去到呢個狀態,又加上每個演員都有2、30年經驗,想轉換環境好正常,舊人走咗就有新人加入,呢個係一個循環,得我呢啲為咗頭家,所以先繼續拍。」他又續指做了爸爸很多時候都會以穩定行先,雖然相比起外面的公司,無綫的人工會比較低,但公司勝在幫到自己更容易入屋,令更多人認識,所以要依靠接騷來賺取平衡:「其實有時遇到個好角色,錢少啲都冇所謂,咁拍完劇就可以喺空檔時間接吓商演。」
場地:Velo Italian Bar & Grill