張鈞甯新片票房破10億人仔　親民冇架子即場除罩

台灣女星張鈞甯主演、其男友柯汶利執導嘅懸疑片《默殺》，今日（19日）公布內地票房已衝破10億人仔，新片叫好叫座，身為主角嘅張鈞甯當然密密為電影四出宣傳，日前佢去到瀋陽路演時，就喺工作後被粉絲捕獲，更憑一個舉動令網友高呼貼心！

該網民發文以「張鈞甯姐姐也太好了吧」為題，興奮大讚張鈞甯講嘢太溫柔，要走人時更除埋口罩同佢哋合照，親民又冇架子。相中見張鈞甯打扮簡約，着上電影T恤配牛仔褲，雖然戴晒眼鏡及化淡妝，但都依然非常靚女、皮膚緊致，狀態極好，唔怪得其他網民都狂話羨慕，仲話佢再次於內地翻紅都絲毫唔大牌，繼續咁nice。