星玄｜“翻版范冰冰”王敏慈古装Look展现气质　靓样“升级”吓亲网民

今日系7月20日农历六月十五，幸运星系天秤座，单身者有条件吸引桃花，宜好好装扮一番。有“翻版范冰冰”之称嘅港姐季军王敏慈（Lovelle），自参选后就返北京中央戏剧学院继续学业，虽然于应届期间冇太多露面机会，但仍定时喺社交平台大派福利，让一众粉丝可以知道佢嘅最新资讯，之不过其中一条片入面，骤眼睇佢就好似变咗另外一个人，即刻吓亲一众网民，原来系发型、眼神同埋妆容，令佢个样唔同咗，王敏慈个样咁百变，只要好好装扮一番，都可以吸引到唔少桃花。

日前，王敏慈身穿蓝黑色长裙，束起头发，眼神锐利且手持银剑，女侠造型可谓又美又飒，而除女侠造型外，佢仲又着上湖水绿透纱长裙，配上淡妆，唔少网民都大赞佢气质独特，并希望早日可以睇到佢拍嘅古装剧。

至于最旺生肖系马，运势强，工作上不乏一展才华的机会。肖马嘅台湾女星徐熙娣（小S）近年除主持节目外，又复出拍剧拍MV。日前佢就为动力火车歌曲《催眠》担任MV女主角，喺MV入面，小S唔单止激战日籍男星，仲要崩溃大喊，绝对系演技大爆发。小S接受访问时仲透露，想同姐姐大S再次主持节目，小S运势咁强，你一开口相信会有好多制作单位，都会搵你哋呀。