張振朗37歲生日 單膝跪地「示愛」姚子羚
2024年07月20日 15:44
東網電視
更多新聞短片
![](/hk/bkn/cnt/entertainment/20240720/photo/bkn-20240720154440737-0720_00862_001_01p.jpg?20240720160449)
由陳山聰、朱晨麗(朱朱)、張振朗及姚子羚等主演的無綫熱播劇《反黑英雄》進入結局篇,台前幕後今午現身將軍澳出席宣傳活動造勢。該劇成為連續3周7天跨平台總收視於黃金時段內之冠,並錄得點擊率達188萬,成績相當不錯。
張振朗早前忙着於佛山拍攝新劇《刑偵12》,故多次缺席《反》劇宣傳,今日正值其37歲生日,獲《刑》劇監製網開一面讓他返港,到場站台與粉絲見面之餘,晚上可相約女友食飯慶祝。玩遊戲期間振朗被安排向戲中CP姚子羚單膝跪地「示愛」,振朗卻不停拿子羚開玩笑,拿着花束祝對方「母親節快樂」,全場爆笑!
受訪時談到生日願望,振朗表示:「都係希望長拍(劇)長有。(唔諗結婚?)都係做好啲嘢先。」山聰則指已連續兩年為振朗慶生:「舊年我哋去咗馬來西亞宣傳,我幫佢安排晒7日行程滿滿,而尋日我哋全班人又去咗長沙宣傳,連夜坐車返香港時,喺高速公路過凌晨12點,所以我哋幫佢唱生日歌,希望出年都可以繼續同佢慶祝,帶啲旺氣帶埋畀佢,等佢今年攞啲嘢(暗指台慶獎項)返屋企。」
今次戲中與子羚組成的CP深受外間歡迎,不過振朗卻暗指二人最終沒有好結果:「大家角色身份唔同嘛,又估唔到佢年紀大我咁多,大家咁鍾意我哋呢一對,哈哈!」至於開拍續集,山聰則「撥行扇」說:「成績唔錯,加上呢類劇再開嘅話,故仔其實唔難度,希望有機會啦。」
另外,朱朱於《反》劇挑戰演打女,不停被讚身手不錯,她亦自言打出癮來,希望能夠繼續向這方面發展。談到接下來工作,她說:「開緊出邊一套嘢,造型同以往唔同,但詳情唔講得住。(再顯身手?)顯身材呀。(要着泳衣?)遲啲先講啦,今日講《反》劇先。戲裏面我都要打嘅,但叫人打多。(夏天拍打氣好辛苦。)咪當減肥囉。」她又自爆其實入行前已跟楊盼盼學習拳腳功夫。對於自己相隔年半再推出劇集獲得如此佳績,大感欣慰,不忘多謝觀眾的支持。
至於戲中與山聰的感情線,她說:「大家似好兄弟多啲,最終冇喺一齊嘅,我覺得如果我嘅角色再做多少少,觀眾就唔鍾意㗎嘞。」