陳凱琳預告首度全家出遊　同鄭嘉穎趁機造人追女？

陳凱琳（Grace）今日（20號）身穿大露背裙擔任二手店開幕嘉賓時，透露老公鄭嘉穎和父親將生日，她說：「老公8月15日生日，爸爸就8月16日，只係相隔一日，所以好開心年年都係可以一齊慶祝，可能同爸爸關係好，所以搵個老公都係差唔多性格，喜好接近嘅人，我會買份一樣但唔同顏色，其實幫三個仔買嘢都一樣係咁，同款唔同色，咁就唔使爭。」

至於嘉穎的禮物，她已諗好就是送個大size的袋，因她準備首次一家五口飛到陽光與海灘的熱帶地區度假約5日，她說：「細仔依家歲幾，第一次帶佢同一家人去旅行，我買個大啲size嘅袋，就可以放多啲bb嘅尿片落佢個袋度，我平時貪靚，出門多數用細袋。」

有指嘉穎恨女，可趁旅程中追生B，她就謂：「佢就鍾意女，因為黐daddy，但我就鍾意仔，醫生話我第三胎係仔時，我好開心，覺得3個小朋友都夠晒數，呢個圈都好多artist係生3個仔，好似胡杏兒同倪晨曦咁，睇吓有冇人破呢個紀錄，同埋我大仔好Sweet，細仔頭髮又攣又長似女仔。」