阿嬌「金魚上岸」look殺盡全場　最貼地機場打扮曝光

組合Twins近日積極喺內地展開巡唱，尋日（20日）就去到南京站，當中鍾欣潼（阿嬌）以一身「金魚上岸」新look現身，見佢着上白橙色漸變low cut貼身晚裝上陣，輕露事業線引死人，迷人曲線更係精神，仲要加上佢360度零死角美貌，新造型被網友大讚一絕。

而被指「有顏就是任性」嘅阿嬌，又被網友搵到佢近日現身機場嘅低調打扮，見佢以簡單啡色鬆身背心加黑色Leggings去機場，同其他藝人次次現身機場都幾十萬行頭嘅打扮梳比，簡直就係「冇偶像包袱」，佢身邊仲要冇保鏢，未見需要獲人牆保護去引起大家圍觀，貼地行徑令人意外。