許靖韻粉紅小背心廣州「巡舖」　逼爆粉絲勁墟冚

歌手許靖韻（Angela）與品牌聯乘推出服飾，昨日（20號）正式上架，Angela特別飛到廣州「巡舖」，到場竟發現店外逼滿粉絲，場面墟冚。

Angela穿上自己設計的粉紅色小背心現身，實行當人肉生招牌。現場所見除獲不少女粉絲「課金」支持外，就連男粉絲都穿上其粉紅Tee及帽子，她更發現有由美國三藩市、台灣、上海及長沙等歌迷專程飛到廣州，實行瞓身支持。對於粉絲們的熱烈支持，Angela表示感激。

談到首次當時裝設計師，Angela坦言最大困難是畫圖：「因為我本身畫功有限，所以好多想表達嘅嘢都好難，我唯有用僅餘嘅畫工去展示畀大家睇，再靠大家嘅想像力。」最後她更向胞妹求救：「因為設計呢樣嘢，我覺得好需要畫得靚，呢方面好妹叻過我。」