鄧紫棋內地騷突發屁股抽筋　偷捽Pat Pat片段曝光

「宇宙G.E.M.」鄧紫棋近月喺內地舉行全國巡唱，今個星期去到台州站，估唔到佢愈唱愈多笑料，佢喺台上自爆原來前一晚佢唱歌唱到一半屁股抽筋！佢講到自己之前見到有粉絲提佢要同台下粉絲合照，佢上到台先記得呢件事，所以佢急急衝落台搵工作人員拎手機，點知就撞到Pat Pat，搞到佢之後要唱嘅嗰首歌三分鐘一動不動，不過佢都堅持唱完成首歌。有粉絲就搵番當時片段，網友就發現佢有幾次偷偷將隻手放身後，依家「真相大白」，原來佢係想偷偷捽Pat Pat，令「#鄧紫棋在舞台上屁股抽筋」話題登上熱搜，認真爆笑。