歐陽娜娜又換畫　內地靚仔鼓手陪去羅馬夏令營

台灣女星歐陽娜娜雖然細個時成日話家教嚴，未畢業都唔畀佢拍拖，不過自從佢返內地發展就不斷傳緋聞，仲要位位都係圈中人，感情生活非常豐富。今次佢又有新歡上場，有網友就撞正身在意大利羅馬嘅佢，本身就係去參加大提琴夏令營，不過奇怪在佢身邊就多咗位金髮靚仔，着一身黑咁撳電話，十分亮眼。

網友隨即認出該金髮男子應該就係最近染咗髮嘅內地樂隊Mandarin鼓手安雨，先發現原來佢兩個早喺4月時中國搖滾圈就傳出兩人嘅緋聞，佢哋喺音樂綜藝節目《樂隊的夏天》認識，又被網友搵到頻遺着同款衫，今次安雨斷正陪歐陽娜娜去音樂夏令營，緋聞愈傳愈真。有指兩年前歐陽娜娜被拍得同演員翟子路連續4日都喺屋企培養感情，關係親密，今次應該係已經分手先搭上安雨。