波波突然封胸　自誇天生性感：我都控制唔到

「無綫咪神」黃婧靈（波波）憑36E成功上位，近日預告在泰國拍攝的新綜藝節目中，將首度以三點式示人，相信節目播出時，必定令「波迷」鼻血直流。不過她早前卻突然封胸拍攝一輯走高貴格調的寫真，然且身上的長裙屬露單邊膊的貼身設計，就算她刻意將事業線「消失」，其玲瓏身材依然藏不住。

波波接受訪問時，表示專誠請化妝、髮型及攝影師為她精心打造這輯「不一樣的波波」：「因為我未試過呢個Look，想挑戰吓自己，我覺得性感係天生，亦人哋嘅一種感覺，啲人覺得我性感，我都控制唔到㗎。」雖然拍照時，波波不用擒高、趴低或做出高難度動作，但過程絕不輕鬆，因她想影出飄逸感覺，除事前曾參考過不少甫士外，單是揈裙擺都揈到手軟，她又謂：「我足足揈咗幾百次條裙尾，咁費力都係想做出波浪嘅感覺，好在影出嚟效果好好。」問到她為何着波鞋而非高跟鞋拍照，她哈哈笑自打圓場謂：「呢個唔係重點。」