方力申同女友玩視像 黃翠如拒蕭正楠飛巴黎探班
2024年07月22日 22:23
東網電視
更多新聞短片
![](/hk/bkn/cnt/entertainment/20240722/photo/bkn-20240722222354201-0722_00862_001_01p.jpg?20240722234219)
無綫奧運節目主持方力申,黃翠如,鄭衍峰,莊琬晴及鄭衍峰,偕拍攝隊伍今晚(22日)起程往巴黎,展開為期10多日的採訪奧運工作。素顏,踢拖及帶備奧運天書上機的翠如,只帶了兩個未裝滿物品的行李篋,她笑言為購物做好準備。
在奧運節目中,負責奧運旅遊資訊的翠如,表示上機前已做足功課,其中要帶備6及7件替換衣服,她說:「因為巴黎依靠每日都超過30度,有熱浪侵襲,先過去嘅同事話當地好環保,選手村、交通工具都冇冷氣,好彩我哋住附近嘅酒店係有冷氣設備。」又指選手村的房間靠地下凍水管恒溫,長期保持23度,而床更是用環保技術紙製成,令她相當好奇,望儘管到當地見識再介紹給觀眾。
問老公蕭正楠在她起飛前有何叮囑?她說:「佢早兩日去咗汕頭拍劇,以為佢會趕返嚟做我司機,兼幫我搬行李,但佢最終只叫我玩得開心啲!」續說以前拍攝旅遊節目經常出埠,近年也周圍飛,所以老公早已習慣。問老公可會飛抵巴黎會合她?翠如則慳妹上身說:「巴黎機票好貴,大家都老夫老妻,之後佢又去布拉格拍節目。(你去陪老公?)機票都係好貴,要去就去啲兌換率平啲嘅地方。」
談到翠如日前去探望剛誕下B女的連詩雅,她說:「BB好得意,我見到BB時都係出咗世40幾小時,好少BB一出世個鼻樑咁高,輪廓好出,我仲打開佢啲手指同腳趾嚟睇,全部好修長似媽咪,將來一定好多人追。」她相信應該好多人爭住做BB契媽,自爆可能升呢做「大姨媽」:「Shiga叫我做家姐,咁叫我都幾好!」至於她可會湊熱鬧生個B?她指一切隨緣。
同行的方力申透露在10多日行程中將很忙,除要採訪開幕,主力採訪游泳項目,目標是訪問到香港泳手,又要全日到游泳館等參賽泳手,兼且酒店離奧運場館頗遠,車程約1小時,所以工時較長。
問到是否有信心可訪問到泳手,他謂順機應變,因他未能進入比賽場館,只可在採訪區等候運動員經過,同時他亦知選手比賽前及進行中不宜接受訪問,所以他打算留待決賽後才全力出擊,捕捉參賽健兒,又笑言為求交「功課」,或「黐」住翠如四出拍攝,以免交白卷。
小方雖然指今次奧運之旅充滿未知之數,不過能參加體壇盛事,心情當然興奮,他表示:「知道奧運好多設備,如火炬,隊服都係名牌,同埋有好多插畫師嘅作品。」問到其圈外女友Maple可有叮囑?他大方謂:「你又知佢有叮囑,都係視像同打電話,但唔會叫佢嚟採班,返香港後,我又要去中山舉行個唱,之前6月時喺佛山開過騷,佢都有嚟捧場,但中山就未知佢嚟唔嚟。」