賴慰玲生日與兒子整蛋糕　多謝張振朗抽空到賀

女星賴慰玲今個月生日，除了跟老公及兒子慶祝外，在圈中人緣甚佳的她獲陳嘉寶、何雁詩、張振朗及朱敏瀚為她慶生，她近日在社交網上載生日照，她稱生日跟兒子一齊整蛋糕，笑言過程靚過結果，最窩心的是老公默默地在旁弄了另一個送給她，Sweet到暈，她的兒子眼仔睩睩相當可愛，而製成品其實並不差，她透露暫時要跟兒子分開一個月，非常不捨：「佢人生未試過咁耐冇喺我身邊，不過收到啲相佢全部都笑得好燦爛，只係我掛住佢掛到喊，到底佢有冇掛住我㗎？」

另外，她又多謝好友張振朗，笑言：「多謝朗爺百忙之中都抽半日返嚟『香港區』一齊切糕。」並感謝朋友的每一句祝福及慶祝「生日永遠是一個原因聚在一起快樂」，網友除了祝賴慰玲生日快樂外，又大讚囝囝靚仔，還為阿仔說好話「我相信佢好用盡力咁玩嚟報答你」勁搞笑！