張敬軒登殿堂級舞台 外籍歌迷驚喜合唱
2024年07月23日 21:01
東網電視
更多新聞短片
![](/hk/bkn/cnt/entertainment/20240723/photo/bkn-20240723210147645-0723_00862_001_01p.jpg?20240723210147)
歌手張敬軒近日在拉斯維加斯殿堂級場地The Colosseum展開美加巡唱的首站演出,眾多國際級歌手如莎蓮迪安(Celine Dion)及Adele等都曾在此場地開騷,他亦因此深感榮幸。
張敬軒(軒仔)近日展開美加巡迴演唱會之旅,首站在美國拉斯維加斯Caesars Palace的殿堂級場地The Colosseum舉行,據悉,此場地已多年未有邀請華人歌手演出,難怪軒仔感到榮幸又興奮,覺得別具意義:「可以企喺呢個舞台上面,好開心,我仲用Adele嘅化妝間同埋坐佢張櫈添!」
軒仔相隔一年再在拉斯維加斯開騷,湊巧日前遇上微軟死機,各地機場大癱瘓,但各地歌迷依然排除萬難到場睇騷,令軒仔十分感動。當晚他獻唱代表作《餘震》時,即變成「大合唱環節」,軒仔笑說:「我喺台度,好多朋友同我一齊唱呢首歌,突然之間見到呢位外籍女士,佢識唱《餘震》呀!佢真係好犀利!突然間令到我覺得自己好似一個外國明星。我第一次見到有外籍人士唱我啲歌,除咗我『遮遮』之外。」
犧牲自己護私家咪
演出期間,軒仔落台與歌迷握手,提醒粉絲保持冷靜,笑言可以不用錫住他,但最緊要錫住支咪:「上次我哋喺新加坡,因為大家太熱情已經撞跌我支咪,我支咪特登Send去德國整,整咗我兩隻勞力士嘅價錢。我好易搞嘅啫,但係我支咪難搞。」他又「效法」Adele去年在演唱會上向歌迷派發T恤的方式:「佢送T恤畀觀眾係有支槍嘅,冇準備到支槍,但我準備咗一支炮,應該可以射到好遠,哈哈!」用道具拋完T恤後,有歌迷大叫「拋埋軒仔」,同台任嘉賓的美國朋友立即抱起軒仔,作狀將他拋出,引起全場尖叫。最後,軒仔在台上安全着陸,大呼:「嘩!嚇死我呀!你哋知唔知我咁大個仔第一次畀人抱起。」相當爆笑。