星玄|陳瀅黑絲Look大玩下身失蹤 透紗上衣黑色Bra若隱若現
2024年07月24日 00:01
東網電視
更多新聞短片
![](/hk/bkn/cnt/entertainment/20240724/photo/bkn-20240724000117419-0724_00862_001_01p.jpg?20240723132145)
今日係7月24日農曆六月十九,今日幸運星係天秤座,幸運指數排第一,事業發展可更上一層樓。天秤座嘅陳瀅最近有北上發展嘅趨勢,仲同蔡潔、黃宗澤一齊去湖北開工,唔少內地嘅Fans都留言,期待可以多啲見到佢,而陳瀅呢排喺拍嘢嘅時候,大走性感風格,佢着住黑色背心加黑紗外套,唔單止下身失蹤,仲加上黑色絲襪大騷美腿,而另一套都好頂癮,黑色花紋透紗上衣,入面嘅黑色Bra若隱若現,仲有一套性感長裙,Deep V開到肚臍,開叉露出大長腿,陳瀅你樣靚身材正,今日咁幸運,事業一定會有新進展!
肖豬嘅朋友,好好在工作上表現自己,上位不是夢。肖豬嘅洪永城(Tony)同太太梁諾妍結婚3周年,太太玩個陷阱題諗住陰Tony,問話俾1億Tony同全世界最靚嘅女人,定係100萬但係繼續同太太喺埋一齊?Tony就話揀1億同全世界最靚嘅女人一齊,因為太太就係全世界最靚嘅女人,仲話可以將1億畀太太,呢個答應可以話答得滴水不漏,哄得太太不知幾開心,Tony你口才咁好要多加利用,喺工作時好好表現,一定可以成功上位!