范瑋琪為破離婚傳聞舉家赴美　頭靠半裸熟男唔黐黑人

台灣歌手范瑋琪（范范）與老公陳建州（黑人）最近驚傳離婚，育有一對孖仔嘅二人決定無聲勝有聲，沉默多日後，范范尋日（23日）晒出同家人旅遊嘅大批合照，原來佢趁暑假帶埋老公及孖仔飛美國玩兼探佢細佬，范范寫道：「開玩嘍！happy summer everyone！」范范唔少同黑人嘅合照，雖然一家人齊齊整整，不過二人就未見有親蜜行為，二人合照都隔開半個人身位。反觀范范同弟弟就明顯感情好。佢哋去水上樂園時，范范頭靠半裸嘅弟弟，又同小鮮肉食雪糕等，似乎都真係好掛住親人，連老公黑人都要靠邊站。