蕭亞軒外籍男友驚揭係假富二代婚事撻Q　前任閃婚生B贏到開巷

台灣歌手蕭亞軒（Elva）因髋關節受傷要長期在家休養，曾進行多次手術都未能如願痊愈復出，近日又傳出佢獲荷蘭籍男友Mick求婚，點知撻Q收場，本月告吹，就連男友都被揭疑似係假富二代，去年所傳嘅日本東京科技業龍頭大企業返工、喺泰國搞房地產嘅身份通通都係假。

有知情人士爆料去年11月蕭亞軒同Mick交往，但今年七月已分手，男方挽回失敗。同時有指Mick只係房屋中介，家境只係中產階級，且情緒易激動，曾與蕭亞軒爆發口角甚至肢體衝突，導致有人爆缸收場，所以不被蕭亞軒親友喜愛，而今次佢戀情結束後，親友都鬆一口氣。

蕭亞軒事業愛情同失意，點知有網友爆料佢上一任男友黃皓閃婚後已做埋老竇，除咗被揭女方為美艷索女姐姐後，今年3月黃皓又突然晒出嬰兒腳仔宣布做老竇，隨後佢喺520更首次公開老婆靚相放閃，被網友戲言指佢贏舊愛蕭亞軒幾條街，唔使再被叫「女尊男卑」。