吳浩康下月10鐵定開騷　向老婆講綿綿情話

藝人吳浩康（Deep）今年2月舉行了一次演唱會，外界反應相當不錯，今日（24日）再公布好消息，「吳浩康《男歌》演唱會 」將於下月10日舉行，門票明日正式公開發售。談到再次開騷，Deep表示：「前所未有咁緊張，因為所有嘢都嚟得好急，唔知點解會有咁大嘅衝動好想去做，不過我深信今次演出都必定會好精彩。」

談到演唱會的歌單，Deep續說：「我會唱唔同年份、唔同階段及唔同態度嘅男人歌，希望可以代一眾男士吐露心聲。歌單就從我人生唔同階段曾經唱過嘅歌曲中揀選，有講親情、友情、以及愛情嘅，包括年輕時失戀會唱嘅歌，以及好接近現時婚姻關係狀況嘅作品，我都預備咗啲想同太太分享嘅說話。」