Anson Lo不願透露病情 望放慢腳步陪家人
2024年07月25日 12:01
東網電視
更多新聞短片
![](/hk/bkn/cnt/entertainment/20240725/photo/bkn-20240725120157281-0725_00862_001_01p.jpg?20240724220630)
男團MIRROR成員「教主」盧瀚霆(Anson Lo)自公開身體健康亮起紅燈後,明言日後要調整步伐,工作放慢及多陪家人,話雖如此,他有意明年再開個唱,超越個人4場演唱會紀錄,但就表示無意要同最多場數保持者Ian作比較。
近日AL推出新歌《Hey Hey OK!》成為最新洗腦歌,MV在日本沖繩取景,人靚景靚,讓人看得賞心悅目。當中AL一反鏡仔不露髀的傳統,激罕以短褲上陣,晒出白雪雪大髀一幕令人印象難忘,他戲言:「唔使次次着西裝或者着黑色,應該無人會落沙灘着西裝,我都過唔到自己關啦!(白雪雪大髀令歌迷反應好熱烈?)見到我真實膚色,皮膚真係咁白,我無全身化妝,無由頭到腳搽粉底㗎!哈哈!」。他開心歌曲反應理想,直言新歌讓人聽完好開心感覺,如進入夢幻、無憂無慮的世界,忘記所有煩惱。在MV中有玩板的鏡頭,AL坦言背後有不少人幫忙:「我係企唔到喺板上面,跪到都開心啦!」,而沖繩之行後,他也希望學浮潛和潛水,喜歡望着海有種自療感覺。
早前AL自揭身體不適,出現暈眩及聲帶水腫問題,問身體狀況是否都OK?他表示:「身體OK,有啲狀況需要監測住,仲Function到,(咩病?)唔方便講,講完大家會仲擔心,但係唔使食藥,唔使做入侵性治療,唔使擔心。(個病會影響唱歌跳舞?)暫時唔會,有啲特別嘢唔好做,例如唔好跌親,但跳舞係OK,大家唔使擔心,仲跳到舞唱到歌表演到,聲線都無事。」為健康着想,他開始注重工作與生活平衡(Work-life balance),坦言想多陪伴家人,將工作放慢。
不過他透露父親之前看到神徒安排的無人機賀壽表演,為兒子感到驕傲,因此他也希望令屋企人為他自豪多次,定下30歲前再開個唱的目標,不過他笑言純粹是個人「冥想」,尚未獲得公司通知。問到可想打破Ian創下7場個唱的紀錄?他表示:「數字上無得比較,首先訂唔訂到場有關,係咪可以連續做10日呢?可能坊間會有好多比較,但製作背後有太多因素,會聽天由命,(想場數多啲?)如果有當然好,多啲粉絲睇到,都希望每一個神徒有機會至少睇一次。」又透露正籌備下一首歌,為將來出實體專輯做準備。至於鏡仔Frankie和Lokman先後公開戀情都無好結果,會否嚇怕他將來不敢公開戀事?AL表示現在無拍拖,認為公開戀情也非單方面選擇,每人處事方法不同,毋須作比較。