曹敏寶當「中1生」係家人 唔信有人爆料
2024年07月25日 19:16
東網電視
更多新聞短片
![](/hk/bkn/cnt/entertainment/20240725/photo/bkn-20240725191631807-0725_00862_001_01p.jpg?20240725232800)
《中年好聲音》曹敏寶、伍允龍、周啟生及林雅詩等今日(25日)出席活動。早為被爆因與另一中一生梁浩銓傳緋聞,而遭無綫雪藏的曹敏寶,透露將與一位DJ朋友合作拍攝短片介紹新車,問到無綫有否有工作安排?她說:「呢樣要講求時機,我會先做好自己。」提到外界認為她與同樣被爆緋聞的龍婷,獲無綫不一樣對待有欠公平,她説:「我唔方便多講,公司有唔同嘅處理方法,大家唔使擔心,我跟公司有溝通與交流。(同公司關係良好?)我唔鍾意鬧交,鍾意和平,我自己覺得關係良好。(跟《中1》生關係良好?)我可以做嘅事已經做晒,《中年好聲音》係講求團結同一家人精神,我唔想破滅。」她坦言這半年出現很多新聞,自己希望將時間放在珍惜自己的人身上。提到有指緋聞來自《中1》生爆料,她指這半年在沉澱自己及陪伴家人,其他事情不清楚,但不願相信這些新聞,直言《中1》生就是一家人,不過指已沒有跟梁浩銓聯絡。
談到有《中1》生指因太忙才沒跟她見面,她說:「我當然有做主動,但其他事情唔方便講。(被冷待?)佢哋都解釋過,友情呢樣嘢我有自己想法,其他人都可以有自己想法,我不便代其他人發表,人在江湖各有選擇,總之佢哋講乜我都相信。」她表示仍視大家為朋友:「一家人或兄弟姊妹都有機會爭執,我唔能夠控制其他人,只可以控制自己心態,做好自己。」
她表示老公很支持她:「知道外界好擔我心老公,而我老公只係擔心我。」她更一時感觸爆喊起來,一度要躲在一旁拭淚。她指面對負面新聞,老公比她更強大,又解釋爆喊是因為感覺遇到老公是自己一生最幸福的事:「佢係好成熟嘅男士,面對問題時,情緒比我更穩定。(會小心避開緋聞?)每件事我都會同老公商量,亦會檢討自己嘅行為,因為每個人把尺唔同,可能我嘅行為未必係大眾可接受,我會嘗試思考埋其他人把尺。」
有指事發後無綫要求她低調,但她卻依舊於社交網分享跟老公的日常,她表示向來喜歡分享,並不是刻意放閃,其他亦不便多説,不過指不是每一個管理層都是同一想法。