Anson Lo「怪病」纏身冇藥醫:我唔可以跌親
2024年07月26日 00:00
東網電視
更多新聞短片
![](/hk/bkn/cnt/entertainment/20240726/photo/bkn-20240726000002659-0726_00862_001_01p.jpg?20240726083545)
男團MIRROR人氣王盧瀚霆(Anson Lo,AL)早前自揭健康亮紅燈,胞姊更為此擔心到爆喊。他近日接受東網獨家專訪時表明要密切監測病況,並直言不能跌倒。受「怪病」纏身的他有所啟發,揚言日後會調整生活節奏保健康,放慢工作腳步,多陪家人。
AL早前自爆身體不適,出現暈眩及聲帶水腫問題,已進行身體檢查,其後更在生日會上淚灑當場,指跟家人交代健康情況時,胞姊喊足全晚,不少「神徒」(AL粉絲暱稱)為此憂心忡忡。AL近日接受東網專訪,談及健康狀況時不肯明言患有何病:「唔方便講,講完大家會仲擔心,不如唔講。但係唔使食藥,唔使做入侵性治療,唔使擔心。(個病會影響唱歌跳舞?)暫時唔會,但有啲特別嘢唔好做,例如唔好跌親,但跳舞係OK,仲跳到舞、唱到歌、表演到,聲線都冇事。我身體OK,有啲狀況需要監測住,仲Function到,冇事。」他坦言為了健康着想,開始注重工作及生活兩者的平衡,而且希望可以多陪伴家人,放慢工作節奏。
開個唱無意與隊友比較
雖然身體響警號,但對事業充滿幹勁的AL已定下工作目標,之前「神徒」為他安排無人機表演,AL指父親對此大感驕傲,期望可以令家人再次因他感到自豪,因此許下30歲前再開個唱的願望,意味明年上半年開騷,不過他笑言純粹是個人「冥想」,尚未收到公司通知。問到可想打破隊友Ian創下7場個唱的紀錄?他表示:「數字上冇得比較,首先訂唔訂到場,係咪可以連續做10日呢?可能坊間會有好多比較,但製作背後有太多因素,會聽天由命。(想場數多啲?)如果有當然好,多啲粉絲睇到,希望每個『神徒』有機會至少睇一次。」他期望挑戰自己,突破4場的個人紀錄。
近日AL推出新歌《Hey Hey OK !》成為最新洗腦歌,MV在日本沖繩取景,讓人看得賞心悅目。當中AL激罕以短褲上陣,露出白雪雪的大腿,令人印象難忘,一反「鏡仔」不露髀的傳統,雖然他拍劇時並曾露髀,但論「露肉」程度,今次可算是出道以來第一次,他戲言:「唔使次次着西裝或者黑色,應該冇人會落沙灘着西裝,我都過唔到自己嗰關啦!(白雪雪嘅大髀,令歌迷反應好熱烈?)見到我真實膚色,皮膚真係咁白,我冇全身化妝,冇由頭到腳搽粉底㗎!哈哈!」他認為每次造型都需要配合歌曲,若下首歌適合着短褲,不介意再穿一次。
公開戀事有顧慮
新歌反應理想,AL大感高興,指聽完令人有愉快的感覺,猶如進入夢幻、無憂無慮的世界,忘記上班的煩惱:「如果大家想要正能量或者快速叉電嘅話,聽完呢首歌就會開心番,冇咁沉鬱。」他自言喜歡游泳,卻從未玩過水上活動,自爆MV中玩滑浪板的鏡頭,其實背後有不少人幫忙推:「我係企唔到喺板上面,跪到都開心啦!」沖繩之行後,他希望學浮潛和潛水,因為喜歡望着大海有治療的感覺。而剛出完新歌不久的他,透露已開始籌備下首歌,為將來出實體專輯做準備。
工作以外,提到隊友Frankie和Lokman先後公開戀情都沒有好結果,他會否被嚇怕,將來不敢公開戀事?他表示現時沒拍拖,認為公開戀情非單方面選擇,而每個人處事方法不同,毋須作比較。