泰國男神Bright新片《分期付款愛上你》演「收數佬」連場動作大呻辛苦

憑演出泰版《流星花園》及BL劇《只因我們天生一對》而紅遍亞洲的泰國男神Bright Vachirawit，最近就與《大佬可以退貨嗎？》泰國億萬票房女神Yaya 合演催淚愛情新作《分期付款愛上你》，影片將於下月在港上映。Bright一改形象在片中飾演專門收數的「古惑仔」。

Bright飾演一名經常以自殘方式迫人還債的「收數佬」，因「工作關係」而認識Yaya飾演的「債女」，從而一見鍾情發展戀情。由於他在片中有多場動作及挨打場面，而每場打戲他都必定親身上陣。Bright大呻拍打戲辛苦：「呢個角色係我以前從未飾演過嘅，當中困難就係動作戲非常多，拍攝時好辛苦，每日幾乎都要耗盡我所有精神同體力...」

至於女主角Yaya現實生活的影星未婚夫Nadech亦有入場睇《分》以示支持，事後更力讚女友：「Bright同Yaya喺戲中相愛相殺好可愛，兩人有良好化學效應。」他更指影片令他想起了香港的浪漫愛情片。