吳海昕奉行簡約生活　周殷廷實踐可持續消費理念

藝人周殷廷及吳海昕今午獲邀出席領展可持續未來館「Loop to Last循環換物會」活動，鼓勵市民實踐可持續消費理念，透過資源的回收和循環再用，將廢棄資源重新投入消費和生產過程，讓資源生生不息。對於活動意義非凡，周殷廷表示：「同我嘅理念好一致，希望大家喺購物前能夠仔細考慮，喺減少、重用及回收嘅原則下，將可持續消費理念融入日常生活中。」

一向奉行簡約生活的吳海昕則表示：「今日參觀咗未來館後，令我印象最深劇係佢哋展示咗件以環保物料製成嘅豹紋嬰兒服裝，希望日後更多嘅大、小朋友都嚟參觀，增強環保慨念。」

而活動上，兩位藝人與與約30位參與換物的朋友，帶來了各自不再需要但品質依然良好及乾淨的家居好物，一起揀選心儀物品。周殷廷從家中挑選了一對閑置襪子來到會場：「呢對襪我買咗幾對，因為質量好，所以可以著得好耐。」吳海昕則帶來一個旅行折疊電熱水壺﹕「最適合外遊時煮食使用，希望抽中佢嘅新主人能夠好好善用啦。」