單文柔攜囡囡北上探班 造就老公親子樂
2024年07月28日 02:01
東網電視
更多新聞短片
![](/hk/bkn/cnt/entertainment/20240728/photo/bkn-20240728020145455-0728_00862_001_01p.jpg?20240727232209)
視帝陳展鵬正於佛山拍攝無綫新劇《巨塔之后》,適逢女兒小豬比正值暑假,身為廿四孝老婆的單文柔(Phoebe)即帶同女兒北上,陪伴展鵬之餘,順道帶女兒體驗生活,Phoebe接受東網訪問時,透露每日安排很多豐富行程:「呢度好多嘢都適合小朋友玩,室內、室外都有,我有帶佢去整扇,小豬比又鍾意手工藝、畫畫咁,嚟緊日日行程好豐富,佢都好開心。不過可能早排出得去玩多,到有幾日我出去做嘢,小豬比話佢要喺屋企休息吓,都要放吓假,好攰,好搞笑,佢依家係一個小大人,有時會想留啲時間喺屋企玩吓,同朋友玩吓咁樣。」更預告女兒將返港上暑期班。
而展鵬日前難得抽空即聚天淪,及後更網晒小豬比坐於其大髀上食蛋撻的溫馨照,他寫道:「原來女女(囡囡)對爸爸嘅感覺好特別,好食嘅嘢會自己食,唔好食嘅嘢會俾晒爸爸,過期嘅嘢更唔好嘥都係俾爸爸。」不過照單全收的展鵬,笑指與女兒一起玩樂,心情頓時靚絕。除了網友們紛紛被展鵬父女的甜蜜時刻感染,就連好友陳敏之也留言:「做父母就係要食佢哋口水味,係幸福嘅口水。」展鵬亦風趣回應:「聽講仲會俾啲過期嘅爸爸食,睇嚟都要買多少少保險。」