黃翠如直擊奧運開幕畏高嚇到喊　方力申：我幫你孭住啲嘢

無綫派出方力申（小方）及黃翠如到巴黎採訪奧運，在開幕式前夕，翠如被踢爆在當地一度爆喊，原來她和小方在開幕禮時身處的直播台位於相當高的位置，而且要攀爬上去絕非易事，本身有畏高的翠如望着鐵架一臉擔心，兼不停流眼淚，小方見狀即時為對方打氣謂：「你淨係望住都冇用架嘛，試吓吖！我知你驚呀！」十分有同理心，喊完一輪，翠如終下定決心爬上高台，臨出發前哽咽着叮囑小方說：「有咩救我喎。」

小方聞言暖男上身表示：「冇事㗎，我喺你後面，一層一層咁慢慢上去，我幫你孭住啲嘢，你仲滴緊眼淚呀，冇嘢㗎！」幾經轉折，翠如最後終成功收拾心情完成使命。網民對翠如勇敢克服恐懼，洗版式留言為她加油，並大讚小方相當有風度：「小方好有愛！」

另外，小方成功跟四位參加4 X 100米自由泳接力的港隊運動員歐鎧淳、譚凱琳、鄭莉梅及簡綽桐進行訪問，四人異口同聲表示現場氣氛相當好，小方爆料指已是第五度參加奧運的歐鎧淳，原來有個封號叫「五朝元老」，搞到歐鎧淳靦腆謂：「多謝大家畀咗個咁嘅稱號我。」