Frankie生日女友Christy大平反 稱用假黑歷史捉「內鬼」
2024年07月29日 11:01
東網電視
更多新聞短片
![](/hk/bkn/cnt/entertainment/20240729/photo/bkn-20240729110120275-0729_00862_001_01p.jpg?20240729163606)
MIRROR成員Frankie認愛圈外女友Christy後,女方被連環爆黑歷史,連累Frankie形象插水,今日(29日)Frankie 36歲生日,曾一度潛水的Christy終於蒲頭,開腔回應連月來的風波,澄清稱之前的黑歷史其實是自己有心造假,全因知道自己的社交網朋友中有「內鬼」偷圖爆料,故刻意設局捉鬼!她發出4點澄清,第一,自己早於2021年已被人誣蔑愛搶人男友、生活淫亂等,又被盜泳衣相及跳舞相抹黑,估計是熟人Cap圖所為。
第二點,她表示現時網上流傳的對話截圖、限時動態,包括自己親口承認做小三等,大部份都是假的,是事前已與Frankie夾計,引「內鬼」現身:「2021年12月頭,我透過跳舞朋友認識咗AK及Frankie,當時我有朋友提議『捉鬼』,所以就將普通對話圖放上IG close friend story。一開始,我同Frankie講咗呢件事,佢應承幫我捉鬼。所以我有叫佢send相同錄音比我,令隻鬼信我係同真嘅Frankie傾緊。所以亦解釋到點解咁多對話都係冇頭冇尾。」及後找出嫌疑人後,已經即時踢出Close friend list,原以為事件已告一段落。
第三點,Christy指直至今年6月與Frankie公開戀情後,該內鬼終於出手:「佢忍到我公開自己係公眾人物女朋友後,佢就放晒2年前嘅捉鬼story出嚟,有啲相係佢改咗圖,亦有啲相係捏造出嚟。佢當年唔爆其他相,係因為佢一直處心積慮,由原本淨係想搞死我,去到而家夾埋外人,想搞死埋我男朋友及Mirror。佢甚至夾埋其他fans、打手去不斷誣蔑我哋,又會開幾個分身扮fans帶風向,萬一佢發現仍然有人支持Frankie,就會批鬥所有支持者。」
第四點,Christy表示在6月上新聞後誣捏情況更加嚴重,又推測可能因為自己做過傳銷,對方家人亦曾被傳銷騙幾十萬,故成為發洩對象:「當佢知我畀前男友拉咗入去做之後,就投射個憎恨落我身上。我從來冇叫過佢買產品或者入去做,反而佢疫情期間,有畀錢叫我幫佢買產品。我當時做咗好短時間,亦因為拍咗三年拖嘅男朋友沉迷傳銷而分手。」另外,她又發文狂鬧Haters,並重新整理社交平台,晒出日常生活照、零濾鏡照片,與之前流出的性感照極大反差,不過她現時又再將社交網轉為私人用戶。