張致恒有工開疑被追債　揚言努力還錢：畀啲時間我啦好冇！

藝人張致恒（Steven）陷財困多時，最近他終於正式返地盤賺錢養家，但仍被不少網民睇死，質疑扮嘢洗底。不過他懶理指控，今日（29日）在社交網再晒開工新相，而欠債多時的他疑再被追債，揚言待收入穩定後就會開始還債：「我知道我仲爭好多朋友錢，但係我都只係啱啱先開始返咗一個星期地盤，畀啲時間我啦好冇。我只係白紙一張，啱啱入行我嘅薪水都只不過係啱啱夠屋企嘅開支，當我穩定啲嘅時候就會開始還畀你哋㗎喇，對唔住呀爭你哋咁耐！」