洪卓立日吃一餐減肥　「屋企個磅壞咗」唔知瘦咗幾多

歌手洪卓立（Ken）正於內地舉行巡唱，日前於東莞站開騷，唱出多首歌迷們耳熟能詳的歌曲，當中更特別挑選了一首已多年未有現場獻唱的《帶着骨灰去旅行》，成功感動全場。據悉，東莞站門票於兩分鐘內火速售罄，成績斐然。

當晚Ken瞓身演繹了《彌敦道》、《苦行僧》、《愛別等》、《少年遊記》及《帶着骨灰去旅行》等等。談到《帶》歌，原來Ken於6年前的一個音樂會上，表示自己不會再唱這歌，但今次演唱會前，不少人於網上留言「點唱」，一向愛錫歌迷的Ken不想大家失望，決定將此歌加入歌單。

而在跟歌迷的聊天環節上，Ken表示十分感恩自己團隊，亦多次強調團隊的重要性，他又特別多謝和音，聽得現場觀眾十分感動。是晚演出不少粉絲發現Ken身形似乎清減不少，他打趣：「因為屋企個磅壞咗，唔知瘦咗幾多磅，依家盡量一日只食一餐啦。」