辛曉琪自爆健康亮紅燈　「狀態全歸零」陷低潮

台灣歌手辛曉琪，出道逾30年嘅佢推出過唔少膾炙人口嘅經典歌曲，加上歌詞內容不時都會道出女性感情方面嘅脆弱面，亦令佢被封為「療傷歌后」。而不時透過社交網分享生活點滴嘅佢，日前就透露自己健康狀況亮紅燈：「之前因為身體出點狀況，原來的狀態全部歸零。」並表示自己雖然心情難免有少少沮喪，但都要盡力調整心態，並再次證明健康嘅重要性外，亦以詩人王維勉勵自己道：「行到水窮處，坐看雲起時。」

雖然辛曉琪未有透露健康細節，但貼文亦引嚟唔少網友留言道：「沒有人一生就平順，只能看淡，少了紛紛擾擾。」、「只要堅強了你的心理素質，一切都會回到巔峰。」、「一切不好的事都會過去，一切美好的事都會圍繞在你身邊。」、「身體健康最重要，願一切安好！」、「跟你的健康相比，一切都顯的微不足道。」