「小飛魚」張心悅起底　原來係麥明詩師妹

上屆東京奧運女子200米自由泳牌得主「香港女飛魚」何詩蓓（Siobhan），周二（30日）出戰巴黎奧運200自決賽，並以1分54秒55成績贏得銅牌外，今年同樣有份出戰巴黎奧運嘅17歲新星「小飛魚」張心悅，同樣備受關注。

就讀拔萃女書院嘅張心悅，係楊寶玲、莫文蔚及麥明詩等女星嘅師妹，自細就熱愛游泳嘅佢，7歲半就開始參加泳班，過往更參加唔少校際比賽並獲得佳積，係香港泳界嘅明日之星。而有天分嘅同時，努力訓練亦係成功不可缺少嘅因素之一，張心悅透露每日清晨5時起床練水，去年更為備戰亞運休學，今次首度參戰奧運後，更因壓力大增令佢成績一直未有突破，幸好有師姐何詩蓓嘅開解，令佢心態得以改善。